Elmi-tədqiqat institutu
Ümumi məlumat
ETİ ölkənin müdafiə qüdrətinin artırılması məqsədilə radioelektronika, cihazqayırma və müdafiə sənayesi sahələrində elmi-praktiki fəaliyyət göstərən dövlət müəssisəsidir. ETİ “Azərbaycan Respublikasının Müdafiə Sənayesi Nazirliyi haqqında Əsasnamənin, Nazirliyin strukturunun və işçilərin say həddinin təsdiq edilməsi haqqında” Azərbaycan Respublikası Prezidentinin 2006-cı il 27 sentyabr tarixli 462 nömrəli Fərmanına əsasən Azərbaycan Respublikası müdafiə sənayesi nazirinin 2006-cı il 2 oktyabr tarixli Əmri ilə yaradılmışdır və birbaşa Nazirliyin tabeçiliyindədir.
Fəaliyyət İstiqamətləri
ETİ tərəfindən müdafiə təyinatlı məhsulların yaradılması və təkmilləşdirilməsi məqsədilə silah, döyüş sursatı və hərbi texnika üzrə axtarış-layihə və təcrübi-konstruktor işlərinin aparılması, radioelektronika, cihazqayırma, optika-elektron cihazlar və lazer texnikası sahəsində yeni həllərin işlənilməsi, pilotlu və pilotsuz aviasiya texnikası, raket kompleksləri, kəşfiyyat və naviqasiya sistemləri üzrə tədqiqatlar, partlayıcı maddələr, barıtlar və raket yanacağı sahəsində elmi araşdırmalar, modul tipli qurğuların, hərbi bina və istehkamların layihələndirilməsi işləri həyata keçirilir.
Elmi-Təşkilati Fəaliyyət
ETİ tərəfindən elmi kadrların hazırlanması təmin olunur. Müvafiq sahələr üzrə elmi-praktiki konfranslar təşkil edilir. Qurum fəaliyyət çərçivəsində beynəlxalq sazişlərə uyğun olaraq xarici dövlətlərlə elmi-texniki əməkdaşlıq həyata keçirir.
Əlaqə məlumatları
Ünvan: Azərbaycan Respublikası, Bakı şəhəri, Rahib Məmmədov küçəsi 25.
Tel: +99412 371 01 35
E-mail: eti@mdi.gov.az