“Ulu Öndər Heydər Əliyev və Azərbaycanın müdafiə sənayesi” mövzusunda gənclərlə görüş keçirilib
Müdafiə Sənayesi Nazirliyində “Heydər Əliyev İli” ilə bağlı keçirilən silsilə tədbirlər çərçivəsində “Ulu Öndər Heydər Əliyev və Azərbaycanın müdafiə sənayesi” mövzusunda Yeni Azərbaycan Partiyasının Yasamal rayon təşkilatının və Müdafiə Sənayesi Nazirliyinin ərazi partiya təşkilatının gənc fəal üzvləri, o cümlədən Vətən müharibəsi iştirakçıları ilə görüş təşkil olunub.
Əvvəlcə tədbir iştirakçıları Ümummilli Lider Heydər Əliyevin büstü önünə tər güllər qoyub, dahi şəxsiyyətin əziz xatirəsini ehtiramla yad ediblər. Daha sonra Nazirliyin inzibati ərazisində yerləşən Şəhidlər Memorial Abidə Kompleksinin önünə gül dəstələri düzülüb.
Akt zalında davam edən tədbirdə Ulu Öndər Heydər Əliyevin əziz xatirəsi bir dəqiqəlik sükutla yad edilib və dövlət himni səsləndirilib.
Tədbirdə çıxış edən müdafiə sənayesi nazirinin müşaviri Arif Babayev, Nazirliyin şöbə müdiri, əməkdar mühəndis Məmmədsaleh Əliyev və məsul əməkdaşı, Vətən Müharibəsi Qəhrəmanı Qəzənfər Ağayev Ümummilli Lider Heydər Əliyevin və dahi rəhbərin siyasi xəttini uğurla davam etdirən Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin müdafiə sənayesinin yaradılmasında və inkişafındakı misilsiz xidmətlərindən, ölkənin müdafiə qabiliyyətinin daha da möhkəmləndirilməsi istiqamətində görülən işlərdən danışıblar. Qeyd olunub ki, dövlətimizin başçısının müdrik rəhbərliyi ilə günbəgün inkişaf edən Azərbaycan müdafiə sənayesinin istehsal etdiyi və dünyada getdikcə şöhrəti artan müasir silah-sursat, hərbi texnika və pilotsuz uçuş aparatları 44 günlük Vətən müharibəsində də düşmənə öz gücünü göstərib, şanlı Zəfərin qazanılmasında layiqli töhfələrini verib.
Görüşdə iştirak edən YAP Yasamal rayon təşkilatının ictimai fəaliyyətdə və təhsildə fərqlənmiş üzvlərinə Müdafiə Sənayesi Nazirliyinin “Tarix yazan qəhrəmanlar” kitabı hədiyyə edilib.
Sonra Azərbaycanın müdafiə sənayesinin təşəkkülünə və inkişaf mərhələlərinə həsr edilmiş “Atəşdən yoğrulanlar” sənədli filmi nümayiş olunub.
Sonda tədbir iştirakçıları müdafiə sənayesi naziri, Azərbaycanın Milli Qəhrəmanı Mədət Quliyevə görüşün təşkilinə görə təşəkkürlərini bildirib və gənclərlə belə təmasların davamlı olmasını arzuladıqlarını ifadə ediblər.
Paylaşmaq üçün linki kopyala:
Yazını paylaş
Baxış sayı:
2085
Oxşar yazılar
30.04.2026, 16:04
Vakant dövlət qulluğu vəzifəsinin tutulması üçün daxili müsahibə
29.04.2026, 18:06
Azərbaycan və BƏƏ arasında müdafiə sənayesi sahəsində əlaqələrin inkişaf perspektivləri müzakirə olunub
21.04.2026, 14:06
“DSA 2026” sərgisində bir sıra görüşlər keçirilib
20.04.2026, 14:08
Azərbaycan məhsulları “DSA 2026” sərgisində nümayiş etdirilir
16.04.2026, 18:50
Qazaxıstanla Azərbaycan arasında müdafiə sənayesi sahəsində ikitərəfli əməkdaşlığın inkişafı müzakirə olunub
15.04.2026, 19:20
Müdafiə sənayesi üçün kadr hazırlığı sahəsində əməkdaşlıq haqqında Memorandum çərçivəsində protokol imzalanıb
03.04.2026, 17:20
Azərbaycan Respublikasının Müdafiə Sənayesi Nazirliyində Azərbaycan ədəbi dilinin qorunması və düzgün tətbiq olunması ilə bağlı onlayn maarifləndirici tədbir keçirilib
03.04.2026, 15:53
Azərbaycan və Türkiyə müdafiə sənayesi sahəsində əməkdaşlıq üzrə Anlaşma Memorandumunun icrasına başlayıb
04.03.2026, 09:20
MSN ilə Türkiyənin Müdafiə Sənayesi Komitəsi arasında Anlaşma Memorandumu imzalanıb
03.03.2026, 12:20
Vüqar Mustafayevin rəhbərlik etdiyi nümayəndə heyəti Ankarada rəsmi səfərdədir