Tələbələr üçün növbəti infotur təşkil edilib

Azərbaycan Respublikası Müdafiə Sənayesi Nazirliyinin (MSN) yaradılmasının 20 illik yubileyi ilə əlaqədar keçirilən tədbirlər çərçivəsində Milli Aviasiya Akademiyasının tələbələri üçün MSN-in müəssisələrindən birinə növbəti infotur təşkil edilib.

İnfotur zamanı onlara Azərbaycanın müdafiə sənayesinin inkişafı haqqında ətrafı məlumat verilib. Bildirilib ki, müdafiə sənayesi dövlət siyasətinin prioritet istiqamətlərindən biri kimi daim diqqət mərkəzində saxlanılır. Möhtərəm Prezident cənab İlham Əliyevin bu sahəyə göstərdiyi xüsusi diqqət və qayğı nəticəsində müdafiə sənayesi üzrə fəaliyyət göstərən müəssisələrin sayı artırılmış, texnoloji imkanları genişləndirilmiş, yüksək keyfiyyətli və rəqabətqabiliyyətli məhsulların istehsalı təmin olunmuşdur.

İştirakçılar ictimaiyyətə açıq olan məlumatlar əsasında istehsalat prosesi, müasir texnoloji imkanlar və müdafiə təyinatlı avadanlıqlar, həmçinin Azərbaycan istehsalı olan hərbi məhsulların Vətən müharibəsindəki uğurlu tətbiqi, döyüş şəraitində yüksək effektivlik göstərməsi barədə məlumatlandırılıblar.

Sonda tələbələr bu cür təşəbbüslərin onların biliklərini artırmaq və hərbi-sənaye sahəsinə marağını gücləndirmək baxımından çox faydalı olduğunu qeyd edib, təşkil edilən infotura görə MSN rəhbərliyinə minnətdarlıqlarını bildiriblər.

Paylaşmaq üçün linki kopyala:

Yazını paylaş

Baxış sayı:

1299

Oxşar yazılar

16.04.2026, 18:50

Qazaxıstanla Azərbaycan arasında müdafiə sənayesi sahəsində ikitərəfli əməkdaşlığın inkişafı müzakirə olunub

15.04.2026, 19:20

Müdafiə sənayesi üçün kadr hazırlığı sahəsində əməkdaşlıq haqqında Memorandum çərçivəsində protokol imzalanıb

03.04.2026, 17:20

Azərbaycan Respublikasının Müdafiə Sənayesi Nazirliyində Azərbaycan ədəbi dilinin qorunması və düzgün tətbiq olunması ilə bağlı onlayn maarifləndirici tədbir keçirilib