Silahlı Qüvvələrimiz qürur mənbəyimizdir
Azərbaycan Respublikası Müdafiə Sənayesi Nazirliyinin (MSN) yaradılmasının 20 illiyi ilə bağlı keçirilən tədbirlər çərçivəsində MSN-in Elmi-Tədqiqat İnstitutunda (ETİ) 26 İyun - Azərbaycan Respublikasının Silahlı Qüvvələri Gününə həsr olunmuş dəyirmi masa təşkil edilib.
Əvvəlcə tədbir iştirakçıları müasir Azərbaycan dövlətinin qurucusu Ümummilli Lider Heydər Əliyevin əziz xatirəsini ehtiramla yad edib, abidəsi önünə gül dəstələri qoyublar.
ETİ-nin inzibati binasında davam edən tədbirdə Ulu Öndər Heydər Əliyevin və Vətən uğrunda canından keçmiş şəhidlərimizin unudulmaz xatirəsi bir dəqiqəlik sükutla yad olunub.
İnstitutun direktoru Mürsəl Əliyev, YAP Xətai rayon təşkilatının sədri Ramil Mirzəyev və digər iştirakçılar çıxış edərək Azərbaycan Silahlı Qüvvələrinin yaranma tarixinə nəzər salıb, Ulu Öndər Heydər Əliyevin əsasını qoyduğu ordu quruculuğu sahəsində son illərdə əldə olunan yüksək nailiyyətləri qeyd ediblər.
Bildirilib ki, dövlətimizin başçısı, Müzəffər Ali Baş Komandan cənab İlham Əliyevin müdrik və uzaqgörən rəhbərliyi sayəsində ölkəmizdə güclü maddi-texniki bazaya və döyüş qabiliyyətinə malik ordu yaradılıb. Azərbaycan Silahlı Qüvvələri Vətən müharibəsi zamanı 30 ilə yaxın düşmən işğalı altında qalan torpaqlarımızı qısa müddətdə azad edərək şanlı Qələbə qazanıb, rəşadətli əsgər və zabitlərimiz nümayiş etdirdikləri igidlik və şücaət nümunələri ilə qəhrəmanlıq dastanı yazıblar. MSN-in bu tarixi Zəfərə verdiyi layiqli töhfələr vurğulanıb, nazirliyin əzmkar kollektivinin Azərbaycanın ərazi bütövlüyü uğrunda göstərdiyi fədakarlıq bir daha diqqətə çatdırılıb.
Natiqlər möhtərəm Prezident cənab İlham Əliyevin Sərəncamı ilə 2025-ci ilin “Konstitusiya və Suverenlik İli” elan edilməsinin əhəmiyyəti, konstitusiya dəyərlərinin qorunması və ölkəmizin suverenliyinin möhkəmləndirilməsi istiqamətində dövlətimiz tərəfindən həyata keçirilən məqsədyönlü və uğurlu siyasət haqqında danışıblar.
Çıxışlardan sonra ETİ-nin YAP-ın sıralarına yeni qəbul edilmiş 90 nəfər əməkdaşına xalqımız tərəfindən böyük coşqu ilə qeyd edilən bu bayram ərəfəsində təntənəli şəkildə partiya vəsiqələri təqdim olunub.
Sonda Azərbaycanın Müdafiə Sənayesi Nazirliyinin, o cümlədən Nazirliyin strukturuna daxil olan ETİ-nin əldə etdiyi uğurlu nəticələrdən bəhs edən videoçarx nümayiş olunub.
Paylaşmaq üçün linki kopyala:
Yazını paylaş
Baxış sayı:
1536
Oxşar yazılar
23.06.2026, 10:37
Müdafiə Sənayesi Nazirliyi Aparatının rəhbərinə “3-cü dərəcə dövlət müşaviri” ixtisas dərəcəsi verilib
17.06.2026, 15:45
“İnsan Hüquqları Aylığı” çərçivəsində maarifləndirici təlim keçirilib
16.06.2026, 16:50
"İxtisaslaşmış Akademik Tədris Proqramı" ilə bağlı infosessiyalar keçirilib
19.05.2026, 18:30
Müdafiə sənayesi sahəsində kadr hazırlığı və elmi əməkdaşlığın inkişafı məqsədilə görüş keçirilib
12.05.2026, 17:38
Vüqar Mustafayev “IDEB 2026” sərgisində iştirak edir
12.05.2026, 11:18
Vakant dövlət qulluğu vəzifəsinin tutulması üçün daxili müsahibə
10.05.2026, 13:27
MSN-in kollektivi Fəxri xiyabanda Ulu Öndər Heydər Əliyevin məzarını ziyarət edib
08.05.2026, 16:32
Heydər Əliyevin müdafiə sənayesi siyasəti bu gün uğurla davam etdirilir
07.05.2026, 12:51
Hidayət Əzimov Türkiyənin aparıcı müdafiə sənayesi qurumları ilə əməkdaşlıq perspektivlərini müzakirə edib
06.05.2026, 19:57
“SAHA 2026” sərgisi çərçivəsində müdafiə sənayesi sahəsində mühüm görüşlər keçirilib