Şagirdlər üçün növbəti məlumat turu təşkil edilib
Müdafiə Sənayesi Nazirliyinin ölkənin müdafiə qabiliyyətinin artırılması, ordu quruculuğu sahəsində həyata keçirdiyi fəaliyyətə dair məlumatların gənc nəslə çatdırılması, onların iqtisadiyyatın ən aparıcı sahələrindən olan müdafiə sənayesinə marağının artırılması məqsədilə mütəmadi olaraq keçirdiyi görüşlər, konfranslar və məlumat turları çərçivəsində aprelin 7-də MSN-in təşkilatçılığı və Təhsil Nazirliyinin dəstəyi ilə Bakı şəhərində yerləşən bir neçə texniki təmayüllü tam orta məktəb və liseyin yuxarı sinif şagirdləri üçün Nazirliyin müəssisələrindən birində növbəti məlumat turu keçirilib.
Nazirliyin məsul əməkdaşları çıxış edərək Müdafiə Sənayesi Nazirliyinin yaradılması və fəaliyyəti, istehsal prossesi və qarşıda duran yeniliklər barəsində şagirdləri məlumatlandırıb, hərbi sənaye sahəsində hər zaman gənc mütəxəssislərin yetişdirilməsinə ehtiyac olduğunu vurğulayıblar. Qeyd edilib ki, Azərbaycan dövləti gənclərin intellektual potensialının artırılmasını, yüksək səviyyədə təhsil almalarını, onların sağlam və vətənpərvər ruhda böyümələrini daim diqqət mərkəzində saxlayır. Azərbaycan Respublikasının Prezidenti cənab İlham Əliyevin və Birinci vitse-prezident xanım Mehriban Əliyevanın əsl vətənpərvər, dövlətçiliyə, milli mənəvi dəyərlərimizə sadiq müasir Azərbaycan gəncliyinin yetişdirilməsi istiqamətində həyata keçirdikləri fəaliyyətin xalqımız tərəfindən yüksək qiymətləndirildiyi şagirdlərin diqqətinə çatdırılıb.
Daha sonra şagirdlər Müdafiə Sənayesi Nazirliyinin ən müasir tələblərə uyğun hazırlanmış sərgi salonunda Nazirliyin müəssisələrində istehsal edilən atıcı silahlar, onların ehtiyyat hissələri və sursatları ilə tanış olublar.
Müdafiə Sənayesi Nazirliyinin əməkdaşı, Vətən Müharibəsi Qəhrəmanı Qəzənfər Ağayev keçdiyi döyüş yolundan şagirdlərə bəhs edərək, 44 günluk Vətən Müharibəsində Azərbaycan oğullarının göstərdiyi qəhrəmanlıqlardan söz açıb. Nazirliyin Vətən müharibəsində 72 əməkdaşının böyük şücaət göstərdiyini, onlardan Ağaəmi Heybətov, Nurlan Zeynalov və Nicat Hüseynovun torpaqlarımızın azadlığı uğrunda gedən döyüşlərdə qəhrəmancasına həlak olaraq şəhidlik zirvəsinə yüksəldiklərini, 7 əməkdaşın isə yaralanaraq qazi olduğunu şagirdlərin diqqətinə çatdırıb.
Sonda Azərbaycan Respublikasının müdafiəsi və ərazi bütövlüyü uğrunda canlarından keçmiş şəhidlərimizin və müharibə iştirakçılarının göstərdikləri qəhrəmanlıqları əbədiləşdirmək məqsədilə Müdafiə Sənayesi Nazirliyi tərəfindən hazırlanmış “Tarix yazan qəhrəmanlar” kitabı qeyd edilən təhsil ocaqlarının kitabxanalarına hədiyyə edilib.
Paylaşmaq üçün linki kopyala:
Yazını paylaş
Baxış sayı:
1167
Oxşar yazılar
30.04.2026, 16:04
Vakant dövlət qulluğu vəzifəsinin tutulması üçün daxili müsahibə
29.04.2026, 18:06
Azərbaycan və BƏƏ arasında müdafiə sənayesi sahəsində əlaqələrin inkişaf perspektivləri müzakirə olunub
21.04.2026, 14:06
“DSA 2026” sərgisində bir sıra görüşlər keçirilib
20.04.2026, 14:08
Azərbaycan məhsulları “DSA 2026” sərgisində nümayiş etdirilir
16.04.2026, 18:50
Qazaxıstanla Azərbaycan arasında müdafiə sənayesi sahəsində ikitərəfli əməkdaşlığın inkişafı müzakirə olunub
15.04.2026, 19:20
Müdafiə sənayesi üçün kadr hazırlığı sahəsində əməkdaşlıq haqqında Memorandum çərçivəsində protokol imzalanıb
03.04.2026, 17:20
Azərbaycan Respublikasının Müdafiə Sənayesi Nazirliyində Azərbaycan ədəbi dilinin qorunması və düzgün tətbiq olunması ilə bağlı onlayn maarifləndirici tədbir keçirilib
03.04.2026, 15:53
Azərbaycan və Türkiyə müdafiə sənayesi sahəsində əməkdaşlıq üzrə Anlaşma Memorandumunun icrasına başlayıb
04.03.2026, 09:20
MSN ilə Türkiyənin Müdafiə Sənayesi Komitəsi arasında Anlaşma Memorandumu imzalanıb
03.03.2026, 12:20
Vüqar Mustafayevin rəhbərlik etdiyi nümayəndə heyəti Ankarada rəsmi səfərdədir