Nazirliyin Elmi-Tədqiqat İnstitutunun açılışı oldu

Prezident İlham Əliyev institutun açılış mərasimində iştirak etdi

Ölkə başçısı açılşı bildirən lenti kəsdikdən sonra binanın təmirdən əvvəlki vəziyyətini əks etdirən videokadrlara baxdı. Prezident institutda yaradılan Heydər Əliyev güşəsi ilə də tanış oldu. Burada ulu öndərin və prezident İlham Əliyevin Azərbaycan Silahlı Qüvvələrinin ən müasir standartlar səviyyəsində yenidən qurulması və ölkənin müdafiə sənayesinin yaradılması istiqamətində gördükləri ardıcıl və kompleks tədbirlər əksini tapmışdır.

Dövlət başçısına institut barədə ətraflı məlumat verilərək bildirildi ki, institutun yerləşdiyi ərazi və bina bir vaxtlar yararsız vəziyyətə düşmüşdü. Buradakı avadanlıqlar tam yararsız halda idi. Aparılan əsaslı təmir-bərpa işlərindən sonra institutda informasiya-kommunikasiya texnologiyaları, ən son texnoloji avadanlıq geniş tətbiq olunub. Kadrların ixtisasının artırılması da diqqət mərkəzindədir. 2007-ci ilin mart ayının 16-dan fəaliyyət göstərən institutun mühəndis-laboratoriya korpusu, təcrübi zavodu, sınaq sahəsi, atıcılıq tiri və hərbi texnika saxlamaqdan ötrü xüsusi ərazisi var. İnstitutun fəaliyyət istiqamətləri genişdir, onlarca sahəni əhatə edir.

Sonra Prezident İlham Əliyev institutun təcrübi zavodu ilə tanış oldu

Dövlətimizin başçısına zavod barədə ətraflı məlumat verildi. Bildirildi ki, buradakı stendlərdə institut barədə ətraflı məlumat yerləşdirilmişdir. Zavodda mexaniki emal, dəqiq mexanika, yığma, sazlama, qaynaq, termiki emal, sınaq sahələri və sair fəaliyyət göstərir. Prezident İlham Əliyev burada istehsal edilən məhsulların sınaqdan keçirilməsi zamanı çəkilmiş kadrlara baxdı. Ali Baş Komandana istehsal prosesi və buraxılan məhsullar barədə ətraflı məlumat verildi.

Sonda prezident İlham Əliyev nazirliyin Elmi-Tədqiqat İnstitutunda yaradılan şəraitdən razı qaldığını bildirdi.

Foto

Paylaşmaq üçün linki kopyala:

Yazını paylaş

Baxış sayı:

2227