Müdafiə Sənayesi Nazirliyinin işçiləri üçün “Qurtuluş” tamaşası nümayiş olunub
Azərbaycan Respublikasında 2023-cü ilin “Heydər Əliyev İli” elan olunması ilə bağlı Müdafiə Sənayesi Nazirliyində silsilə tədbirlər davam etdirilir.
Bu tədbirlər çərçivəsində Ulu Öndərin zəngin irsinin daha dərindən öyrənilməsi və təbliği məqsədilə Cəfər Cabbarlı adına İrəvan Dövlət Azərbaycan Dram Teatrı tərəfindən Müdafiə Sənayesi Nazirliyinin müəssisələrindən birində şair-dramaturq İvtixar Piriyevin “Qurtuluş dastanı” əsəri əsasında səhnələşdirilmiş “Qurtuluş” tamaşası nümayiş olunub.
Əvvəlcə teatrın aktyorları və Müdafiə Sənayesi Nazirliyinin bir qrup əməkdaşı Ümummilli Lider Heydər Əliyevin büstü önünə tər güllər qoyub, dahi rəhbərin əziz xatirəsini ehtiramla yad ediblər.
Daha sonra Nazirliyin şəhid işçilərinin xatirəsinə ucaldılmış abidənin önünə gül dəstələri düzülüb.
Azərbaycanın dövlət müstəqilliyinin bərpa edilməsi və qorunması, respublikanın inkişafı və tərəqqisi yolunda inamla addımlaması uğrunda Ümummilli Lider Heydər Əliyevin göstərdiyi misilsiz xidmətlərini izləyiciyə doğun şəkildə çatdıran, dahi şəxsiyyətin bədii obrazının peşəkarlıqla canlandırıldığı səhnələr tamaşaçılar tərəfindən böyük coşqu ilə qarşılanıb və sürəkli alqışlarla müşayiət olunub.
Ulu Öndər Heydər Əliyevin siyasi fəaliyyətinin Moskva, Naxçıvan və Bakı dövrlərini əhatə edən səhnə əsərinin tamaşası bitdikdən sonra müdafiə sənayesi naziri, Azərbaycanın Milli Qəhrəmanı Mədət Quliyevin adından teatrın kollektivinə təşəkkürünü bildirən nazirin müşaviri Arif Babayev, aktyorlara yaradıcılıq fəaliyyətlərində yeni uğurlar arzulayıb.
Teatrın direktoru, əməkdar mədəniyyət işçisi İvtixar Piriyev tamaşanın nümayişi üçün yaradılmış şəraitə görə müdafiə sənayesi naziri Mədət Quliyevə rəhbərlik etdiyi kollektivin adından dərin təşəkkürünü bildirib. Qeyd edib ki, səhnə əsərinə, xüsusilə dahi şəxsiyyət Heydər Əliyevin bədii obrazına izləyicilər tərəfindən göstərilən səmimi diqqət və rəğbət tamaşanın daha canlı və maraqlı alınmasında böyük rol oynayıb.
Paylaşmaq üçün linki kopyala:
Yazını paylaş
Baxış sayı:
1614
Oxşar yazılar
30.04.2026, 16:04
Vakant dövlət qulluğu vəzifəsinin tutulması üçün daxili müsahibə
29.04.2026, 18:06
Azərbaycan və BƏƏ arasında müdafiə sənayesi sahəsində əlaqələrin inkişaf perspektivləri müzakirə olunub
21.04.2026, 14:06
“DSA 2026” sərgisində bir sıra görüşlər keçirilib
20.04.2026, 14:08
Azərbaycan məhsulları “DSA 2026” sərgisində nümayiş etdirilir
16.04.2026, 18:50
Qazaxıstanla Azərbaycan arasında müdafiə sənayesi sahəsində ikitərəfli əməkdaşlığın inkişafı müzakirə olunub
15.04.2026, 19:20
Müdafiə sənayesi üçün kadr hazırlığı sahəsində əməkdaşlıq haqqında Memorandum çərçivəsində protokol imzalanıb
03.04.2026, 17:20
Azərbaycan Respublikasının Müdafiə Sənayesi Nazirliyində Azərbaycan ədəbi dilinin qorunması və düzgün tətbiq olunması ilə bağlı onlayn maarifləndirici tədbir keçirilib
03.04.2026, 15:53
Azərbaycan və Türkiyə müdafiə sənayesi sahəsində əməkdaşlıq üzrə Anlaşma Memorandumunun icrasına başlayıb
04.03.2026, 09:20
MSN ilə Türkiyənin Müdafiə Sənayesi Komitəsi arasında Anlaşma Memorandumu imzalanıb
03.03.2026, 12:20
Vüqar Mustafayevin rəhbərlik etdiyi nümayəndə heyəti Ankarada rəsmi səfərdədir