Müdafiə Sənayesi Nazirliyi “Teknofest” Aerokosmik və Texnologiya Festivalında iştirak edir
“Türkiyə Texnologiya Komandası” Fondu, Azərbaycan Respublikasının Rəqəmsal İnkişaf və Nəqliyyat Nazirliyi və Türkiyə Respublikasının Sənaye və Texnologiya Nazirliyinin təşkilatçılığı ilə Bakı Kristal Zalı və Dənizkənarı Bulvar ərazisində “Teknofest Azərbaycan 2022” Aerokosmik və Texnologiya Festivalı keçirilir.
“Türkiyə Texnologiya Komandası” Fondu və Türkiyə Respublikasının Sənaye və Texnologiya Nazirliyi tərəfindən 2018-ci ildən etibarən hər il təşkil olunan və Türkiyənin ən böyük aviasiya, kosmos və texnologiya festivalı “Teknofest”də Azərbaycan ilk dəfə 2021-ci ildən etibarən təmsil olunmağa başlayıb. “Teknofest” Aviasiya, Kosmos və Texnologiya Festivalının Türkiyədən kənarda ilk dəfə Azərbaycanda keçirilməsi iki ölkə arasındakı dostluq, qardaşlıq və strateji müttəfiqlik əlaqələrinin təzahürüdür.
Festival dörd əsas hissədən: texnologiya müsabiqələri, “Take Off” Azərbaycan Startap Sammiti, açıq və qapalı məkanlarda sərgilər, hava şouları və əyləncə attraksiyonlarından ibarətdir.
Müdafiə sənayesi naziri Mədət Quliyev və Nazirliyin əməkdaşlarının iştirak etdikləri “Teknofest Azərbaycan 2022” festivalında MSN-in stendində “Orbiter-2B”, “Orbiter-3B”,“Orbiter-4”, “Orbiter-1KM”(İtiqovan) pilotsuz uçuş aparatları, “Gilavar” atış trenajoru, “Gürzə” Toyota HİLUX 4x4 avtomobili, “Gürzə” üzərində quraşdırılması nəzərdə tutulan asqılı operativ taktiki mobil dron müşahidə sistemi “Bayquş” və VTOL tipli kəşfiyyat məqsədli PUA “Turaz”, uzunmənzilli, dəyişən təkan vektorlu tilt rotor sistem üzərində qurulmuş, şaquli qalxma və enmə imkanına malik və çox məqsədli Pilotsuz Uçuş Aparatı, taktiki döyüş uçuş simulyatoru “Dəmir Yumruq” və “QFAB-250LG” qəlpəli fuqaslı aviasiya bombası nümayiş olunur.
Qeyd edək ki, Müdafiə Sənayesi Nazirliyi 21-26 sentyabr 2021-ci il tarixlərində Türkiyə Respublikasının Atatürk Beynəlxalq Hava Limanında keçirilmiş “Teknofest-2021” Festivalında da iştirak edərək Nazirliyin istehsalı olan bir çox pilotsuz uçuş aparatlarını nümayiş etdirib.
“Teknofest Azərbaycan” sərgisi 29 may tarixinədək davam edəcək.
Paylaşmaq üçün linki kopyala:
Yazını paylaş
Baxış sayı:
1944
Oxşar yazılar
23.06.2026, 10:37
Müdafiə Sənayesi Nazirliyi Aparatının rəhbərinə “3-cü dərəcə dövlət müşaviri” ixtisas dərəcəsi verilib
17.06.2026, 15:45
“İnsan Hüquqları Aylığı” çərçivəsində maarifləndirici təlim keçirilib
16.06.2026, 16:50
"İxtisaslaşmış Akademik Tədris Proqramı" ilə bağlı infosessiyalar keçirilib
19.05.2026, 18:30
Müdafiə sənayesi sahəsində kadr hazırlığı və elmi əməkdaşlığın inkişafı məqsədilə görüş keçirilib
12.05.2026, 17:38
Vüqar Mustafayev “IDEB 2026” sərgisində iştirak edir
12.05.2026, 11:18
Vakant dövlət qulluğu vəzifəsinin tutulması üçün daxili müsahibə
10.05.2026, 13:27
MSN-in kollektivi Fəxri xiyabanda Ulu Öndər Heydər Əliyevin məzarını ziyarət edib
08.05.2026, 16:32
Heydər Əliyevin müdafiə sənayesi siyasəti bu gün uğurla davam etdirilir
07.05.2026, 12:51
Hidayət Əzimov Türkiyənin aparıcı müdafiə sənayesi qurumları ilə əməkdaşlıq perspektivlərini müzakirə edib
06.05.2026, 19:57
“SAHA 2026” sərgisi çərçivəsində müdafiə sənayesi sahəsində mühüm görüşlər keçirilib