Müdafiə Sənayesi Nazirliyi SPECA ölkələrinin sərgisində iştirak edir
Noyabrın 22-də BMT-nin Mərkəzi Asiya Ölkələrinin İqtisadiyyatları üçün Xüsusi Proqramı (SPECA) həftəsi çərçivəsində Bakı Ekspo Mərkəzində "SPECA Ölkələri Sərgisi: Dayanıqlı inkişaf üçün regional əməkdaşlıq" adlı sərgi öz işinə başlayıb.
Azərbaycanın xüsusi təşəbbüsü ilə SPECA-nın yaradılmasının 25 illiyinə həsr edilən sərginin açılışında Azərbaycan Respublikasının Prezidenti cənab İlham Əliyev iştirak edib.
SPECA üzvü olan Qazaxıstan, Qırğızıstan, Türkmənistan, Tacikistan, Özbəkistan və Azərbaycan stendlərinin yer aldığı sərgidə tibb, sənaye, qida, tekstil, kənd təsərrüfatı və texnoloji sistemlərə dair məhsullar təqdim olunur.
Azərbaycan iqtisadiyyatının inkişafını əks etdirən vahid stendin sənaye bloku üzrə müdafiə sənayesi guşəsində Müdafiə Sənayesi Nazirliyinin müəssisələrində istehsal olunan müxtəlif növ atıcı silahlar, yaxın məsafəli döyüş vasitələri, minaatanlar, müxtəlif çaplı döyüş sursatları, pilotsuz uçuş aparatları və s. daxil olmaqla 88 adda müdafiə təyinatlı məmulatlar nümayiş etdirilir.
Müdafiə sənayesi naziri Vüqar Mustafayev Azərbaycan Respublikasının Prezidenti cənab İlham Əliyevə yerli istehsalımız olan müdafiə sənayesi məhsulları haqqında məlumat verib.
Qeyd edək ki, bugünkü tədbirdə ilk dəfə olaraq 44 günlük Vətən müharibəsində şəhid olmuş Müdafiə Sənayesi Nazirliyinin əməkdaşı Ağaəmi Heybətovun adının baş hərflərini daşıyan AH-12,7 iri çaplı pulemyot sərgilənir.
Paylaşmaq üçün linki kopyala:
Yazını paylaş
Baxış sayı:
2451
Oxşar yazılar
23.06.2026, 10:37
Müdafiə Sənayesi Nazirliyi Aparatının rəhbərinə “3-cü dərəcə dövlət müşaviri” ixtisas dərəcəsi verilib
17.06.2026, 15:45
“İnsan Hüquqları Aylığı” çərçivəsində maarifləndirici təlim keçirilib
16.06.2026, 16:50
"İxtisaslaşmış Akademik Tədris Proqramı" ilə bağlı infosessiyalar keçirilib
19.05.2026, 18:30
Müdafiə sənayesi sahəsində kadr hazırlığı və elmi əməkdaşlığın inkişafı məqsədilə görüş keçirilib
12.05.2026, 17:38
Vüqar Mustafayev “IDEB 2026” sərgisində iştirak edir
12.05.2026, 11:18
Vakant dövlət qulluğu vəzifəsinin tutulması üçün daxili müsahibə
10.05.2026, 13:27
MSN-in kollektivi Fəxri xiyabanda Ulu Öndər Heydər Əliyevin məzarını ziyarət edib
08.05.2026, 16:32
Heydər Əliyevin müdafiə sənayesi siyasəti bu gün uğurla davam etdirilir
07.05.2026, 12:51
Hidayət Əzimov Türkiyənin aparıcı müdafiə sənayesi qurumları ilə əməkdaşlıq perspektivlərini müzakirə edib
06.05.2026, 19:57
“SAHA 2026” sərgisi çərçivəsində müdafiə sənayesi sahəsində mühüm görüşlər keçirilib