MSN-in minifutbol üzrə yığma komandası Respublika spartakiadasının qalibi olub

Azərbaycan Həmkarlar İttifaqları Konfederasiyası tərəfindən “Zenit” Bədən Tərbiyəsi İdman Cəmiyyəti İctimai Birliyinin xidmət sahəsinə daxil olan müəssisə və təşkilatlar arasında təşkil edilən Ümummilli Lider Heydər Əliyevin anadan olmasının 100 illik yubileyinə həsr olunmuş Respublika spartakiadası çərçivəsində minifutbol yarışı başa çatıb.

Milli Aviasiya Akademiyasının İdman Kompleksində keçirilən turnirin final qarşılaşması oktyabrın 17-də Şağan Olimpiya İdman Kompleksində baş tutub. Həlledici görüşdə Müdafiə Sənayesi Nazirliyinin (MSN) yığma komandası "Bakı Metropoliteni" Qapalı Səhmdar Cəmiyyətinin komandası ilə üz-üzə gəlib. Oyunda 3:1 hesabı ilə qələbə qazanan MSN-in yığma komandası birinci yerə layiq görülüb.

Üçüncü yerdə isə Milli Aviasiya Akademiyasının yığması qərarlaşıb.

Qaliblərə kubok, diplomlar və hədiyyələr təqdim olunub.

Qeyd edək ki, 10 idman növü üzrə keçirilən spartakiadada müdafiə sənayesi, aviasiya, elektroenergetika və elektrotexnika, avtomobil nəqliyyatı və yol təsərrüfatı, metal işçiləri, “Baku Steel Company” və metropoliten sahələri üzrə yığma komandalar mübarizə aparırlar.

MSN-in idmançıları voleybol, stolüstü tennis, kəndirdartma, üzgüçülük, şahmat, dama, nərd, güllə atıcılığı yarışlarında da təmsil olunacaqlar.

Oktyabrın 11-dən start götürən yarışlar noyabrın 22-də başa çatacaq.

Paylaşmaq üçün linki kopyala:

Yazını paylaş

Baxış sayı:

970