MSN ETİ-nin “Qisas” komandası “Heydər Əliyev ili”nə həsr olunan “MİNAHACK” hakatonun qalibi olub
Qarabağın işğaldan azad olunmuş iqtisadi rayonlarında minatəmizləmə işlərinin sürətli aparılması, riskli və təhlükəli ərazilərin minalardan təmizlənməsinə dair texnoloji ideyalar və “ağıllı” həllər təklif etmək məqsədilə Fevralın 24-ü Azərbaycan Dövlət İqtisad Universitetində (UNEC) Müdafiə Sənayesi Nazirliyinin (MSN) Elmi-Tədqiqat İnstitutunun (ETİ) və Azərbaycan Minatəmizləmə Agentliyinin (ANAMA) tərəfdaşlığı ilə “Heydər Əliyev ili”nə həsr olunan “MİNAHACK” hakatonun yekun tədbiri keçirilib. 2 gün davam edən hakatonda 12 universitet və Elmi Tədqiqat İnstitutunun 9 komandası iştirak edib.
Tədbirdə UNEC rektoru, professor Ədalət Muradov, Müdafiə Sənayesi Nazirliyinin ETİ-nin direktoru, professor Mürsəl Əliyev, “Bank of Baku”nun İdarə Heyətinin sədri Yunus Əmrə Filizoğlu çıxış ediblər.
Çıxışlar zamanı Qarabağda ərazilərin minalardan təmizlənməsi üçün yeni yanaşmalarla müasir texnologiyaların tətbiqinə ehtiyac olduğu bildirilərək problemin həllinə məhz gənclərin töhfə verə biləcəkləri vurğulanıb.
Eyni zamanda qeyd olunub ki, dünyanın sürətlə inkişaf etdiyi bu dövrdə yüksək texnologiyalar, bilik, təcrübə və savad olmadan müasir texniki həllərin, o cümlədən mütərəqqi layihələrin həyata keçirilməsi çox çətinləşib. Bu səbəblə müasir gənclər daima öz peşəkarlıq səviyyələrini artırmalı və milli ruhda tərbiyə olunmalıdırlar ki, gələcəkdə dövlətin mənafeyini, xalqımızın milli maraqlarını layiqincə qoruya bilsinlər.
Tədbirin sonunda qalib komandalar açıqlanıb. Birinci yerə MSN ETİ-nin “Qisas” komandası layiq görülüb. Qalib komandanın mütərrəqi ideyalar və elmi yanaşmalar əsasında hazırladığı layihənin tədbiqi ilə gələcəkdə riskli və təhlükəli ərazilərdə yerləşdirilmiş partlamamış hərbi sursatların və minaların tərkibində olan partladıcı maddələri aşkar etmək mümkün olacaqdır.
“MİNAHACK” hakatonunun digər qaliblərinə kubok, hədiyyə, pul mükafatı və sertifikatlar təqdim edilib.
Paylaşmaq üçün linki kopyala:
Yazını paylaş
Baxış sayı:
1436
Oxşar yazılar
23.06.2026, 10:37
Müdafiə Sənayesi Nazirliyi Aparatının rəhbərinə “3-cü dərəcə dövlət müşaviri” ixtisas dərəcəsi verilib
17.06.2026, 15:45
“İnsan Hüquqları Aylığı” çərçivəsində maarifləndirici təlim keçirilib
16.06.2026, 16:50
"İxtisaslaşmış Akademik Tədris Proqramı" ilə bağlı infosessiyalar keçirilib
19.05.2026, 18:30
Müdafiə sənayesi sahəsində kadr hazırlığı və elmi əməkdaşlığın inkişafı məqsədilə görüş keçirilib
12.05.2026, 17:38
Vüqar Mustafayev “IDEB 2026” sərgisində iştirak edir
12.05.2026, 11:18
Vakant dövlət qulluğu vəzifəsinin tutulması üçün daxili müsahibə
10.05.2026, 13:27
MSN-in kollektivi Fəxri xiyabanda Ulu Öndər Heydər Əliyevin məzarını ziyarət edib
08.05.2026, 16:32
Heydər Əliyevin müdafiə sənayesi siyasəti bu gün uğurla davam etdirilir
07.05.2026, 12:51
Hidayət Əzimov Türkiyənin aparıcı müdafiə sənayesi qurumları ilə əməkdaşlıq perspektivlərini müzakirə edib
06.05.2026, 19:57
“SAHA 2026” sərgisi çərçivəsində müdafiə sənayesi sahəsində mühüm görüşlər keçirilib