Mədət Quliyev Pakistan İslam Respublikasının Milli Günü münasibətilə keçirilən tədbirdə iştirak edib
Martın 17-də Pakistan İslam Respublikasının Milli Günü münasibətilə tədbir keçirilib. Tədbirdə müdafiə sənayesi naziri, Azərbaycan-Pakistan Hökumətlərarası Birgə Komissiyanın Azərbaycan tərəfdən həmsədri Mədət Quliyev çıxış edərək Azərbaycan Respublikasının Prezidenti və Azərbaycan Hökuməti adından Pakistan İslam Respublikasının Milli Günü münasibətilə səfir Bilal Hayeni və Pakistan xalqını təbrik edib.
Nazir vurğulayıb ki, Azərbaycan Respublikası 1991-ci ildə müstəqillik əldə etdikdən sonra Azərbaycanın suverenliyini tanıyan ilk ölkələrdən biri Pakistan İslam Respublikası olub. O, bu əməkdaşlığın əsasının Ulu Öndər Heydər Əliyev tərəfindən qoyulduğunu və bu gün də ölkə başçısı cənab İlham Əliyev tərəfindən uğurla davam etdirildiyini bildirib.
Mədət Quliyev qeyd edib ki, Azərbaycan Respublikası ilə Pakistan İslam Respublikası arasındakı əməkdaşlığın daha da genişləndirilməsi üçün 01-02 dekabr 2021-ci il tarixlərində Bakı şəhərində Azərbaycan-Pakistan Hökumətlərarası Birgə Komissiyasının növbəti 7-ci iclası keçirilib. İclasın gedişində tərəflər ümumi razılığa gələrək əməkdaşlıq sahələrini daha da genişləndiriblər.
Nazir bu əməkdaşlığın nəticəsi olaraq Azərbaycan Respublikasının Pakistan İslam Respublikası ilə birgə müxtəlif beynəlxalq təşkilatlarda bir-birini dəstəklədiyini və Azərbaycanın suverenliyi, ərazi bütövlüyü və özünümüdafiə hüququna Pakistanın davamlı dəstəyini yüksək qiymətləndirdiyini bildirib.
44 günlük Vətən müharibəsinin ilk günündən Azərbaycanla həmrəyliyini bir daha nümayiş etdirən Pakistan dövlətinə və xalqına səmimi dost və qardaş münasibətinə görə təşəkkürünü bildirən Mədət Quliyev, Azərbaycan dövlətinin Pakistanın dəstəyini heç bir zaman unutmadığını qeyd edib.
Paylaşmaq üçün linki kopyala:
Yazını paylaş
Baxış sayı:
1675
Oxşar yazılar
30.04.2026, 16:04
Vakant dövlət qulluğu vəzifəsinin tutulması üçün daxili müsahibə
29.04.2026, 18:06
Azərbaycan və BƏƏ arasında müdafiə sənayesi sahəsində əlaqələrin inkişaf perspektivləri müzakirə olunub
21.04.2026, 14:06
“DSA 2026” sərgisində bir sıra görüşlər keçirilib
20.04.2026, 14:08
Azərbaycan məhsulları “DSA 2026” sərgisində nümayiş etdirilir
16.04.2026, 18:50
Qazaxıstanla Azərbaycan arasında müdafiə sənayesi sahəsində ikitərəfli əməkdaşlığın inkişafı müzakirə olunub
15.04.2026, 19:20
Müdafiə sənayesi üçün kadr hazırlığı sahəsində əməkdaşlıq haqqında Memorandum çərçivəsində protokol imzalanıb
03.04.2026, 17:20
Azərbaycan Respublikasının Müdafiə Sənayesi Nazirliyində Azərbaycan ədəbi dilinin qorunması və düzgün tətbiq olunması ilə bağlı onlayn maarifləndirici tədbir keçirilib
03.04.2026, 15:53
Azərbaycan və Türkiyə müdafiə sənayesi sahəsində əməkdaşlıq üzrə Anlaşma Memorandumunun icrasına başlayıb
04.03.2026, 09:20
MSN ilə Türkiyənin Müdafiə Sənayesi Komitəsi arasında Anlaşma Memorandumu imzalanıb
03.03.2026, 12:20
Vüqar Mustafayevin rəhbərlik etdiyi nümayəndə heyəti Ankarada rəsmi səfərdədir