Könüllülər üçün məlumat turu təşkil edilib
Oktyabrın 6-da “Heydər Əliyev İli” çərçivəsində Müdafiə Sənayesi Nazirliyi və Azərbaycan Könüllü Təşkilatları İttifaqının birgə təşkilatçılığı ilə könüllülər üçün Müdafiə Sənayesi Nazirliyinin müəssisələrindən birində məlumat turu təşkil edilib.
Əvvəlcə tədbir iştirakçıları müəssisənin inzibati ərazisində müasir Azərbaycan dövlətinin qurucusu Ümummilli Lider Heydər Əliyevin əziz xatirəsinə həsr edilmiş abidəni ziyarət ediblər.
Daha sonra Ulu Öndər Heydər Əliyevin və Azərbaycanın ərazi bütövlüyü uğrunda mübarizədə canlarını qurban vermiş şəhidlərimizin əziz xatirəsi bir dəqiqəlik sükutla yad edilib.
Tədbirin davamında könüllülər Heydər Əliyev muzeyində Ulu Öndərin zəngin həyat və fəaliyyətini əks etdirən fotostendlərlə tanış olublar. Görkəmli dövlət xadimi Heydər Əliyevin və dahi rəhbərin siyasi xəttinin layiqli davamçısı Azərbaycan Prezidenti, Müzəffər Ali Baş Komandan cənab İlham Əliyevin ölkəmizin müdafiə sənayesinin yaradılmasında və inkişafındakı misilsiz xidmətləri barədə onlara ətraflı məlumat verilib.
Məlumat turu çərçivəsində gənclər MSN-in modern üslubda hazırlanmış sərgi salonunda Nazirliyin müəssisələrində istehsal edilən müxtəlif atıcı silah və sursatlar, eləcə də müasir texnoloji məmulat nümunələri ilə tanış olublar. Mütəxəssislər onlara silahların texniki göstəriciləri haqda məlumatlar verib, gəncləri maraqlandıran sualları cavablandırıblar.
Bildirilib ki, Müdafiə Sənayesi Nazirliyinin istehsal etdiyi silahlardan istər 44 günlük Vətən müharibəsində, istərsə də Azərbaycan Respublikasının konstitusiya quruluşunun bərpa edilməsi məqsədilə Qarabağ iqtisadi rayonunda yüksək peşəkarlıqla aparılan, ordumuz tərəfindən 24 saatdan da tez bir zamanda uğurla başa çatdırılan lokal xarakterli antiterror tədbirləri zamanı istifadə edilib, Müzəffər Ali Baş Komandanın qətiyyətli sərkərdəliyi ilə Azərbaycan Silahı düşmənə öz gücünü və qüdrətini əməli döyüş şəraitində bir daha göstərib.
Azərbaycan Könüllü Təşkilatları İttifaqının könüllü gəncləri Azərbaycan Respublikasının müdafiə sənayesi naziri Mədət Quliyevə mütəmadi təşkil olunan maraqlı və geniş informasiya tutumlu turlara görə minnətdarlıqlarını bildirib, belə tədbirlərin davamlı olmasını arzuladıqlarını vurğulayıblar.
Sonda Ulu Öndər Heydər Əliyevin 100 illik yubileyi münasibətilə ucaldılmış abidənin ətrafında xatirə şəkli çəkdirilib.
Paylaşmaq üçün linki kopyala:
Yazını paylaş
Baxış sayı:
1581
Oxşar yazılar
12.05.2026, 17:38
Vüqar Mustafayev “IDEB 2026” sərgisində iştirak edir
12.05.2026, 11:18
Vakant dövlət qulluğu vəzifəsinin tutulması üçün daxili müsahibə
10.05.2026, 13:27
MSN-in kollektivi Fəxri xiyabanda Ulu Öndər Heydər Əliyevin məzarını ziyarət edib
08.05.2026, 16:32
Heydər Əliyevin müdafiə sənayesi siyasəti bu gün uğurla davam etdirilir
07.05.2026, 12:51
Hidayət Əzimov Türkiyənin aparıcı müdafiə sənayesi qurumları ilə əməkdaşlıq perspektivlərini müzakirə edib
06.05.2026, 19:57
“SAHA 2026” sərgisi çərçivəsində müdafiə sənayesi sahəsində mühüm görüşlər keçirilib
05.05.2026, 19:19
“SAHA 2026” sərgisində müdafiə sənayesi üzrə əməkdaşlığın genişləndirilməsi müzakirə olunub
05.05.2026, 10:41
Vüqar Mustafayevin rəhbərlik etdiyi nümayəndə heyəti “SAHA 2026” sərgisində iştirak edir
30.04.2026, 16:04
Vakant dövlət qulluğu vəzifəsinin tutulması üçün daxili müsahibə
29.04.2026, 18:06
Azərbaycan və BƏƏ arasında müdafiə sənayesi sahəsində əlaqələrin inkişaf perspektivləri müzakirə olunub