Azərbaycan və Slovakiya arasında müdafiə sənayesi sahəsində əməkdaşlıq əlaqələri müzakirə edilib

Nazir V.Mustafayev qonaqları salamlayaraq onları Azərbaycanda görməkdən məmnunluğunu ifadə edib. O, ölkələrimiz arasında mövcud olan dostluq münasibətlərinin və müxtəlif istiqamətlər üzrə tərəfdaşlığın yüksələn xətlə inkişaf etdiyini vurğulayıb, Azərbaycanla Slovakiyanın müdafiə sənayesi sahəsində uğurlu əməkdaşlıq əlaqələrinin olduğunu diqqətə çatdırıb.

V.Mustafayev son illərdə Azərbaycanın müdafiə sənayesi sahəsində əldə etdiyi nailiyyətlər, istehsal imkanları və innovativ texnologiyaların tətbiqi, həmçinin qabaqcıl təcrübələrin inteqrasiyası ilə bağlı həyata keçirilən işlər haqqında ətraflı məlumat verib.

R.Kalinak öz növbəsində səmimi görüşə və qonaqpərvərliyə görə minnətdarlığını bildirib, Slovakiyanın Azərbaycanla əlaqələrin genişləndirilməsində maraqlı olduğunu vurğulayıb. Qonaq müdafiə sənayesi sahəsində əməkdaşlığın daha da gücləndirilməsinin hər iki ölkənin strateji maraqlarına və qarşılıqlı inkişaf perspektivlərinə töhfə verəcəyini qeyd edib.

Görüş zamanı tərəflər hərbi-texniki sahədə mövcud əlaqələri geniş müzakirə edib, qarşılıqlı maraq doğuran məsələlər haqqında fikir mübadiləsi aparıblar.

Paylaşmaq üçün linki kopyala:

Yazını paylaş

Baxış sayı:

669

Oxşar yazılar

16.04.2026, 18:50

Qazaxıstanla Azərbaycan arasında müdafiə sənayesi sahəsində ikitərəfli əməkdaşlığın inkişafı müzakirə olunub

15.04.2026, 19:20

Müdafiə sənayesi üçün kadr hazırlığı sahəsində əməkdaşlıq haqqında Memorandum çərçivəsində protokol imzalanıb

03.04.2026, 17:20

Azərbaycan Respublikasının Müdafiə Sənayesi Nazirliyində Azərbaycan ədəbi dilinin qorunması və düzgün tətbiq olunması ilə bağlı onlayn maarifləndirici tədbir keçirilib