Azərbaycan və Pakistan arasında hərbi-texniki sahədə əməkdaşlığın daha da genişləndirilməsi müzakirə edilib
Oktyabrın 29-da Azərbaycan Respublikasının müdafiə sənayesi naziri Vüqar Mustafayev ölkəmizdə rəsmi səfərdə olan Pakistan İslam Respublikasının Birləşmiş Qərargah Rəisləri Komitəsinin sədri general Sahir Şamşad Mirzanın rəhbərlik etdiyi nümayəndə heyəti ilə görüşüb.
Qonaqları salamlayan V.Mustafayev onları Azərbaycanda görməkdən məmnunluğunu bildirib. Pakistanla dostluq və qardaşlıq münasibətlərinin, strateji tərəfdaşlığın yüksələn xətlə inkişaf etdiyini diqqətə çatdıran nazir xalqlarımız arasında tarixi-mənəvi bağlılıqların, yüksək səviyyəli qarşılıqlı etimadın mövcudluğunu vurğulayıb.
O, Pakistanla hərbi-texniki sahədə əməkdaşlığın Azərbaycanın müdafiə sənayesinin inkişafı üçün faydalı olduğunu qeyd edib.
Azərbaycan-Pakistan Hökumətlərarası Birgə Komissiyasının həmsədri olan V.Mustafayev Komissiyanın növbəti iclasının keçirilməsi istiqamətində aparılan işlərlə bağlı geniş məlumat verib.
General S.Ş.Mirza səmimi görüşə və qonaqpərvərliyə görə minnətdarlığını çatdırıb. O, qarşılıqlı səfərlərin və görüşlərin keçirilməsinin ölkələrimiz arasında əlaqələrin genişləndirilməsi üçün önəmindən danışıb.
Qonaq son illərdə Azərbaycanda müasir müdafiə sənayesi sahəsinin sürətlə inkişaf etdiyini, birgə əməkdaşlığın zəruriliyini diqqətə çatdırıb.
Tərəflər Azərbaycan və Pakistan arasında hərbi-texniki sahədə əməkdaşlığın daha da genişləndirilməsi yollarını müzakirə edib, qarşılıqlı maraq doğuran bir sıra məsələlər ətrafında fikir mübadiləsi aparıblar.
Paylaşmaq üçün linki kopyala:
Yazını paylaş
Baxış sayı:
2376
Oxşar yazılar
23.06.2026, 10:37
Müdafiə Sənayesi Nazirliyi Aparatının rəhbərinə “3-cü dərəcə dövlət müşaviri” ixtisas dərəcəsi verilib
17.06.2026, 15:45
“İnsan Hüquqları Aylığı” çərçivəsində maarifləndirici təlim keçirilib
16.06.2026, 16:50
"İxtisaslaşmış Akademik Tədris Proqramı" ilə bağlı infosessiyalar keçirilib
19.05.2026, 18:30
Müdafiə sənayesi sahəsində kadr hazırlığı və elmi əməkdaşlığın inkişafı məqsədilə görüş keçirilib
12.05.2026, 17:38
Vüqar Mustafayev “IDEB 2026” sərgisində iştirak edir
12.05.2026, 11:18
Vakant dövlət qulluğu vəzifəsinin tutulması üçün daxili müsahibə
10.05.2026, 13:27
MSN-in kollektivi Fəxri xiyabanda Ulu Öndər Heydər Əliyevin məzarını ziyarət edib
08.05.2026, 16:32
Heydər Əliyevin müdafiə sənayesi siyasəti bu gün uğurla davam etdirilir
07.05.2026, 12:51
Hidayət Əzimov Türkiyənin aparıcı müdafiə sənayesi qurumları ilə əməkdaşlıq perspektivlərini müzakirə edib
06.05.2026, 19:57
“SAHA 2026” sərgisi çərçivəsində müdafiə sənayesi sahəsində mühüm görüşlər keçirilib