Azərbaycan Texniki Universitetində “Müdafiə sənayesi üzrə ixtisaslı kadr hazırlığı: radioelektron, aerokosmik sistemlər və robotlar” mövzusunda II respublika elmi-texniki konfransı keçirilir
İyunun 22-də Müdafiə Sənayesi Nazirliyi, Elm və Təhsil Nazirliyi, AzTU və MSN-in Milli Aerokosmik Agentliyinin birgə təşkilatçılığı ilə Azərbaycan Texniki Universitetində Ümummilli Lider Heydər Əliyevin anadan olmasının 100 illiyinə həsr olunan “Müdafiə sənayesi üzrə ixtisaslı kadr hazırlığı: radioelektron, aerokosmik sistemlər və robotlar” mövzusunda II respublika elmi-texniki konfransı işinə başlayıb.
Konfrans iştirakçıları əvvəlcə Texniki Universitetin foyesində Ulu Öndər Heydər Əliyevin əziz xatirəsini yad edib, abidəsi önünə gül dəstələri düzüblər.
Dövlət Himninin səsləndirilməsi ilə başlayan konfransda Azərbaycan Texniki Universitetinin rektoru, professor Vilayət Vəliyev, müdafiə sənayesi nazirinin müavini Mehman Baxışov, MSN-in Milli Aerokosmik Agentliyinin direktoru Natiq Cavadov, Müdafiə Nazirliyinin Milli Müdafiə Universitetinin rektoru Heydər Piriyev, “Aselsan Bakı” şirkətinin baş direktoru Özgür Kürüm və digərləri çıxış ediblər.
Çıxışlar zamanı süni intellektin, nanotexnologiyaların tətbiqinin hərbi sahədə yaratdığı üstünlüklərdən, kibertəhlükəsizlik sistemi, ağıllı texnologiyaların inkişafı məsələlərindən söhbət açılaraq bu sahədə ixtisaslı kadrların hazırlanmasının vacibliyindən bəhs edilib.
Qeyd edilib ki, Azərbaycan Respublikasının Prezidenti cənab İlham Əliyevin rəhbərliyi ilə ölkəmizdə müdafiə sənayesinin sürətli inkişafına və bu sahədə xüsusi texniki biliklərə malik olan ixtisaslı kadrların yetişdirilməsinə xüsusi diqqət göstərilir. Yerli mütəxəssislərin hazırlanmasını hədəfləyən Müdafiə Sənayesi Nazirliyi Azərbaycan Texniki Universiteti ilə birgə bu yönümdə kadr hazırlığının təşkili üçün xüsusi texnika və texnologiya fakültəsinın açılmasını həyata keçirib.
Müdafiə Sənayesi Nazirliyi tərəfindən gənclərə intellektual səviyyələrini artırmaları, innovativ mühəndislik üzrə aparıcı qüvvə kimi formalaşmaları, nəzəri biliklərin praktiki təcrübə ilə vəhdəti əsasında xüsusi bacarıqlarını daha da yüksəltmələri məqsədilə hərtərəfli şəraitin yaradıldığı diqqətə çatdırılıb.
Bölmə iclasları ilə davam edən konfras işini iyunun 23-də yekunlaşdıracaq.
Paylaşmaq üçün linki kopyala:
Yazını paylaş
Baxış sayı:
1784
Oxşar yazılar
30.04.2026, 16:04
Vakant dövlət qulluğu vəzifəsinin tutulması üçün daxili müsahibə
29.04.2026, 18:06
Azərbaycan və BƏƏ arasında müdafiə sənayesi sahəsində əlaqələrin inkişaf perspektivləri müzakirə olunub
21.04.2026, 14:06
“DSA 2026” sərgisində bir sıra görüşlər keçirilib
20.04.2026, 14:08
Azərbaycan məhsulları “DSA 2026” sərgisində nümayiş etdirilir
16.04.2026, 18:50
Qazaxıstanla Azərbaycan arasında müdafiə sənayesi sahəsində ikitərəfli əməkdaşlığın inkişafı müzakirə olunub
15.04.2026, 19:20
Müdafiə sənayesi üçün kadr hazırlığı sahəsində əməkdaşlıq haqqında Memorandum çərçivəsində protokol imzalanıb
03.04.2026, 17:20
Azərbaycan Respublikasının Müdafiə Sənayesi Nazirliyində Azərbaycan ədəbi dilinin qorunması və düzgün tətbiq olunması ilə bağlı onlayn maarifləndirici tədbir keçirilib
03.04.2026, 15:53
Azərbaycan və Türkiyə müdafiə sənayesi sahəsində əməkdaşlıq üzrə Anlaşma Memorandumunun icrasına başlayıb
04.03.2026, 09:20
MSN ilə Türkiyənin Müdafiə Sənayesi Komitəsi arasında Anlaşma Memorandumu imzalanıb
03.03.2026, 12:20
Vüqar Mustafayevin rəhbərlik etdiyi nümayəndə heyəti Ankarada rəsmi səfərdədir