Azərbaycan Respublikasının Prezidenti İlham Əliyev «Optika-Mexanika» İstehsalat Birliyinin "Alov" zavodunun açılış mərasimində iştirak etdi
Prezident İlham Əliyev açılışı bildirən lenti kəsdikdən sonra zavodun həyətində ucaldılmış ümummilli lider Heydər Əliyevin büstünü ziyarət etdi.
Dövlət başçısı müəssisənin əvvəlki və təmirdən sonrakı vəziyyətini əks etdirən videosüjetə baxdı. Daha sonra Prezident İlham Əliyev müəssisədə yaradılmış Heydər Əliyev muzeyi ilə də tanış oldu.
Ayrı-ayrı istehsal sahələrinin işi ilə maraqlanan dövlət başçısı rəqəmlə idarə edilən torna və frezer emal sexlərində oldu. Müasir standartlara cavab verən avadanlıqlarla təchiz olunmuş sexdə nişangahların gövdə detallarının tökülməsi üçün nəzərdə tutulan qurğularla tanış olduqdan sonra dövlət başcısı gövdələrin mexaniki emal prosesini izlədi.
Prezident İlham Əliyev eyni zamanda termik emal sahəsi ilə də tanış oldu. Müəssisədə istehsal edilmiş nişangahların, mexaniki və klimatik sınaqların keçirildiyi avadanlıqların iş prosesini izlədikdən sonra ölkə başcısı optik nişangahlarda istifadə edilən linzaların, prizmaların və torların istehsal sahəsi ilə də tanış oldu.
Hər bir istehsal sahəsi ilə yaxından tanış olan Prezident İlham Əliyev yığım sahəsində də oldu. Burada nişangahların tam şəkildə yığılma prosesini, onların xarakteristikasının və parametrlərinin ölçülməsini, eləcə də texniki nəzarət proseslərini izlədi. Daha sonra dövlət başçısı müəssisədə istehsal olunan hazır məhsulların sərgisi ilə də tanış oldu, onların keyfiyyəti ilə maraqlandı.
Sonra Prezident İlham Əliyev motodor və morodor tipli müasir zirehli maşınların təqdimat mərasimində iştirak etdi. Dövlətimizin başçısı sükan arxasına əyləşərək zirehli maşını özü idarə etdi.
Paylaşmaq üçün linki kopyala:
Yazını paylaş
Baxış sayı:
1493
Oxşar yazılar
23.06.2026, 10:37
Müdafiə Sənayesi Nazirliyi Aparatının rəhbərinə “3-cü dərəcə dövlət müşaviri” ixtisas dərəcəsi verilib
17.06.2026, 15:45
“İnsan Hüquqları Aylığı” çərçivəsində maarifləndirici təlim keçirilib
16.06.2026, 16:50
"İxtisaslaşmış Akademik Tədris Proqramı" ilə bağlı infosessiyalar keçirilib
19.05.2026, 18:30
Müdafiə sənayesi sahəsində kadr hazırlığı və elmi əməkdaşlığın inkişafı məqsədilə görüş keçirilib
12.05.2026, 17:38
Vüqar Mustafayev “IDEB 2026” sərgisində iştirak edir
12.05.2026, 11:18
Vakant dövlət qulluğu vəzifəsinin tutulması üçün daxili müsahibə
10.05.2026, 13:27
MSN-in kollektivi Fəxri xiyabanda Ulu Öndər Heydər Əliyevin məzarını ziyarət edib
08.05.2026, 16:32
Heydər Əliyevin müdafiə sənayesi siyasəti bu gün uğurla davam etdirilir
07.05.2026, 12:51
Hidayət Əzimov Türkiyənin aparıcı müdafiə sənayesi qurumları ilə əməkdaşlıq perspektivlərini müzakirə edib
06.05.2026, 19:57
“SAHA 2026” sərgisi çərçivəsində müdafiə sənayesi sahəsində mühüm görüşlər keçirilib