Şagirdlər üçün növbəti məlumat turu təşkil edilib
Gənclərin hərbi müdafiə sənayesinə marağının artırılması və bu sahədə peşəkar mütəxəssislərin yetişdirilməsi məqsədilə Müdafiə Sənayesi Nazirliyinin təşkilatçılığı və Təhsil Nazirliyinin dəstəyi ilə mütəmadi olaraq keçirilən məlumat turları çərçivəsində aprelin 28-də MSN-in müəssisələrinin birində paytaxtın 83, 246, 276, 179 saylı texniki təmayüllü tam orta məktəblərinin yuxarı sinif şagirdləri üçün növbəti məlumat turu təşkil edilib.
Əvvəlcə şagird və müəllim kollektivi Müdafiə Sənayesi Nazirliyinin Vətən müharibəsində şəhid olmuş əməkdaşlarının xatirəsinə həsr edilmiş Şəhidlər Memorial Abidə Kompleksini ziyarət ediblər.
Məlumat turu çərçivəsində şagirdlər müəssisədə nümayiş edilən müxtəlif növ döyüş məmulatları və günəş enerjisinin elektrik enerjisinə çevirən qurğu ilə tanış olublar. Daha sonra müəssisədə yerləşən Tofiq İsmayılov adına Xatirə muzeyi ziyarət edilib.
Akt zalında davam etdirilən tədbirdə Azərbaycanda kosmos elminin tarixi ilə bağlı qısa film nümayiş olunub. Tədbirdə çıxış edən məsul əməkdaşlar Ulu Öndər Heydər Əliyevin layiqli davamçısı Azərbaycan Respublikasının Prezidenti cənab İlham Əliyev və Birinci vitse-prezident xanım Mehriban Əliyevanın Azərbaycanda gənclərin vətənpərvərlik, dövlətə sədaqət ruhunda yetişdirilməsi və tərbiyə edilməsi, onların təhsildə uğurlar qazanması istiqamətində apardığı uğurlu və məqsədyönlü siyasətdən bəhs edərək aerokosmik elm və texnikanın müvafiq sahələri üzrə yüksək ixtisaslı mütəxəssislərin yetişdirilməsində kosmik fəzanın elmi cəhətdən öyrənilməsinin mühüm rol oynadığını vurğulayıblar.
Tədbirdə iştirak edən Müdafiə Sənayesi Nazirliyinin əməkdaşı, Vətən Müharibəsi Qəhrəmanı Qəzənfər Ağayev şagirdlərə 44 günlük Vətən Müharibəsində Azərbaycan oğullarının göstərdiyi qəhrəmanlıqlardan, keçdiyi döyüş yolundan bəhs edib.
Sonda məlumat turuna qatılmış təhsil ocaqlarının kitabxanalarına Nazirliyin şəhid olmuş və müharibədə iştirak etmiş əməkdaşlarının Vətən Müharibəsində göstərdikləri igidlik və rəşadətdən bəhs edən “Tarix yazan qəhrəmanlar” kitabı hədiyyə edilib və şagirdlərlə xatirə şəkli çəkilib.
Paylaşmaq üçün linki kopyala:
Yazını paylaş
Baxış sayı:
1444
Oxşar yazılar
30.04.2026, 16:04
Vakant dövlət qulluğu vəzifəsinin tutulması üçün daxili müsahibə
29.04.2026, 18:06
Azərbaycan və BƏƏ arasında müdafiə sənayesi sahəsində əlaqələrin inkişaf perspektivləri müzakirə olunub
21.04.2026, 14:06
“DSA 2026” sərgisində bir sıra görüşlər keçirilib
20.04.2026, 14:08
Azərbaycan məhsulları “DSA 2026” sərgisində nümayiş etdirilir
16.04.2026, 18:50
Qazaxıstanla Azərbaycan arasında müdafiə sənayesi sahəsində ikitərəfli əməkdaşlığın inkişafı müzakirə olunub
15.04.2026, 19:20
Müdafiə sənayesi üçün kadr hazırlığı sahəsində əməkdaşlıq haqqında Memorandum çərçivəsində protokol imzalanıb
03.04.2026, 17:20
Azərbaycan Respublikasının Müdafiə Sənayesi Nazirliyində Azərbaycan ədəbi dilinin qorunması və düzgün tətbiq olunması ilə bağlı onlayn maarifləndirici tədbir keçirilib
03.04.2026, 15:53
Azərbaycan və Türkiyə müdafiə sənayesi sahəsində əməkdaşlıq üzrə Anlaşma Memorandumunun icrasına başlayıb
04.03.2026, 09:20
MSN ilə Türkiyənin Müdafiə Sənayesi Komitəsi arasında Anlaşma Memorandumu imzalanıb
03.03.2026, 12:20
Vüqar Mustafayevin rəhbərlik etdiyi nümayəndə heyəti Ankarada rəsmi səfərdədir