Müdafiə Sənayesi Nazirliyinin Elmi-Tədqiqat İnstitutu ilə AMEA arasında birgə əməkdaşlıq haqqında memorandum imzalanıb
İyulun 1-də Azərbaycan Respublikası Müdafiə Sənayesi Nazirliyinin Elmi-Tədqiqat İnstitutu ilə Azərbaycan Milli Elmlər Akademiyası arasında birgə əməkdaşlıq haqqında memorandumun imzalanma mərasimi keçirilib.
Tədbirdə AMEA-nın prezidenti v.i.e., akademik Arif Həşimov və ETİ-nin direktoru, t.e.d., professor Mürsəl Əliyev iştirak ediblər.
Əvvəlcə institutun həyətində Ulu Öndər Heydər Əliyevin büstü ziyarət olunub, önünə gül dəstələri düzülüb. Daha sonra professor Mürsəl Əliyev bütün iştirakçıları salamlayaraq onları tədbirdə görməyindən məmnunluğunu bildirib. M.Əliyev müəssisənin elmi-tədqiqat istiqamətləri və aparılan işlər haqqında ətraflı məlumat verib.
Diqqətə çatdırılıb ki, müasir Azərbaycanın banisi Ulu Öndər Heydər Əliyev elmin himayədarı kimi hər zaman gənc alimlər nəslinin yetişdirilməsinə, müxtəlif elmi-tədqiqatların aparılmasına, yeni kəşf və ixtiraların sayının artırılmasına xüsusi diqqət yetirib. Sonradan bu iş onun layiqli davamçısı möhtərəm Prezident cənab İlham Əliyev tərəfindən yüksək səviyyədə davam etdirilib və Azərbaycan müasir dövrdə dünyanın elmi-texniki cəhətdən inkişaf etmiş ölkələri sırasına qoşulub.
Akademik Arif Həşimov qarşılıqlı imzalanmış memorandum haqqında fikirlərini bölüşərək müştərək fəaliyyətin əsas istiqamətləri, elmtutumlu innovativ layihələrin, o cümlədən müasir tələblərə cavab verən elmi-tədqiqat işlərinin səmərəli şəkildə aparılması haqqında öz tövsiyələrini verib.
Memorandum çərçivəsində birlikdə müxtəlif innovativ layihələrin həyata keçirilməsi ilə yanaşı, tərəflər arasında elm və texnologiya sahələrində lahiyələrə gənc alimlərin cəlb olunması, elmi-tədqiqat işlərinin aparılması üçün laboratoriyaların maddi-texniki bazalarının gücləndirilməsi və digər sahələrdə birgə əməkdaşlığın qurulması nəzərdə tutulub.
Paylaşmaq üçün linki kopyala:
Yazını paylaş
Baxış sayı:
1846
Oxşar yazılar
30.04.2026, 16:04
Vakant dövlət qulluğu vəzifəsinin tutulması üçün daxili müsahibə
29.04.2026, 18:06
Azərbaycan və BƏƏ arasında müdafiə sənayesi sahəsində əlaqələrin inkişaf perspektivləri müzakirə olunub
21.04.2026, 14:06
“DSA 2026” sərgisində bir sıra görüşlər keçirilib
20.04.2026, 14:08
Azərbaycan məhsulları “DSA 2026” sərgisində nümayiş etdirilir
16.04.2026, 18:50
Qazaxıstanla Azərbaycan arasında müdafiə sənayesi sahəsində ikitərəfli əməkdaşlığın inkişafı müzakirə olunub
15.04.2026, 19:20
Müdafiə sənayesi üçün kadr hazırlığı sahəsində əməkdaşlıq haqqında Memorandum çərçivəsində protokol imzalanıb
03.04.2026, 17:20
Azərbaycan Respublikasının Müdafiə Sənayesi Nazirliyində Azərbaycan ədəbi dilinin qorunması və düzgün tətbiq olunması ilə bağlı onlayn maarifləndirici tədbir keçirilib
03.04.2026, 15:53
Azərbaycan və Türkiyə müdafiə sənayesi sahəsində əməkdaşlıq üzrə Anlaşma Memorandumunun icrasına başlayıb
04.03.2026, 09:20
MSN ilə Türkiyənin Müdafiə Sənayesi Komitəsi arasında Anlaşma Memorandumu imzalanıb
03.03.2026, 12:20
Vüqar Mustafayevin rəhbərlik etdiyi nümayəndə heyəti Ankarada rəsmi səfərdədir