Müdafiə Sənayesi Nazirliyi gəncləri mükafatlandırıb
Məlumat verildiyi kimi, Azərbaycan Respublikası Gənclər Fondunun müraciəti əsasında, Nəsrəddin Tusi adına Şamaxı Astrofizika Rəsədxanasının ərazisində keçirilən “Yay Fest - Dəmir Yumruq - 2022” düşərgəsində təbii landşaft şəraitində Müdafiə Sənayesi Nazirliyi tərəfindən (MSN) tabeli birlik və müəssisələrdə istehsal olunan müxtəlif növ silahların, sursatların və Pilotsuz Uçuş Aparatlarının xüsusi sərgisi təşkil edilmişdi.
Sərgi çərçivəsində gənclər arasında elektron trenajorda sərrast atıcılıq üzrə yarışların qalibləri MSN-ə dəvət olunaraq mükafatlandırılıblar.
Azərbaycan Respublikası Gənclər Fondunun icraçı direktorunun müavini Orxan Ərəbov, yarışın qalibləri və digər qonaqlar gənclərin dövlətə sədaqət və vətənpərvərlik ruhunda tərbiyəsi, sağlam və savadlı vətəndaş kimi yetişməsi işində Müdafiə Sənayesi Nazirliyinin hər zaman yaxından iştirak etdiyini və sanballı töhfələr verdiyini xüsusi qeyd ediblər.
Gənclər onlarla bağlı dövlət tərəfindən həyata keçirilən təşəbbüslərə, proqramlara və layihələrə daim diqqət göstərdiyinə və dəstək verdiyinə görə müdafiə sənayesi naziri, Azərbaycanın Milli Qəhrəmanı Mədət Quliyevə minnətdarlıqlarını bildiriblər.
Sonra yarışın qalibləri - Azərbaycan Dövlət Neft və Sənaye Universitetinin 4-cü kurs tələbəsi Qəmər Mustafa, Azərbaycan Tibb Universitetinin 3-cü kurs tələbəsi Fazil Umudzadə və Dövlət Gömrük Komitəsinin Akademiyasının 2-ci kurs tələbəsi Eltac Rəşidzadəyə müvafiq olaraq ilk üç yerdə qərarlaşdıqlarına görə Müdafiə Sənayesi Nazirliyinin diplomları təqdim olunub.
Paylaşmaq üçün linki kopyala:
Yazını paylaş
Baxış sayı:
943
Oxşar yazılar
30.04.2026, 16:04
Vakant dövlət qulluğu vəzifəsinin tutulması üçün daxili müsahibə
29.04.2026, 18:06
Azərbaycan və BƏƏ arasında müdafiə sənayesi sahəsində əlaqələrin inkişaf perspektivləri müzakirə olunub
21.04.2026, 14:06
“DSA 2026” sərgisində bir sıra görüşlər keçirilib
20.04.2026, 14:08
Azərbaycan məhsulları “DSA 2026” sərgisində nümayiş etdirilir
16.04.2026, 18:50
Qazaxıstanla Azərbaycan arasında müdafiə sənayesi sahəsində ikitərəfli əməkdaşlığın inkişafı müzakirə olunub
15.04.2026, 19:20
Müdafiə sənayesi üçün kadr hazırlığı sahəsində əməkdaşlıq haqqında Memorandum çərçivəsində protokol imzalanıb
03.04.2026, 17:20
Azərbaycan Respublikasının Müdafiə Sənayesi Nazirliyində Azərbaycan ədəbi dilinin qorunması və düzgün tətbiq olunması ilə bağlı onlayn maarifləndirici tədbir keçirilib
03.04.2026, 15:53
Azərbaycan və Türkiyə müdafiə sənayesi sahəsində əməkdaşlıq üzrə Anlaşma Memorandumunun icrasına başlayıb
04.03.2026, 09:20
MSN ilə Türkiyənin Müdafiə Sənayesi Komitəsi arasında Anlaşma Memorandumu imzalanıb
03.03.2026, 12:20
Vüqar Mustafayevin rəhbərlik etdiyi nümayəndə heyəti Ankarada rəsmi səfərdədir